Aggtivität wäärend dr abgseite "Fasnacht"
Bluemeverteilig
Do unseri bstellte Roose fyr d Fasnacht nid hän abbstellt wärde könne, hän sich d Schletzer entschlosse, si an Altersheim in Basel z verteile.
Also hän sich 4 Schletzer uufgmacht und hän d Altersheim abgläpperet.
No dr erschte Skepsis und mehrmooligem Noochfrooge, ob mir is au d Händ bim Beträte vom Altersheim desinfiziert hän, isch d Yberraschig und d Fröid bi dr Belegschaft doch gross gsi.
Wie mir im Noochhinein erfahre hän (do in eim Altersheim au en Oma vomene Schletzers wohnt), isch d Fröid au bi de Bewohner vo de Altersheim gross gsi.
Mir fröie uns, dass mir so trotz de abgseite Fasnacht und Isolation vo unsere ältere Mitmensche wäärend dr Corona Zyt, doch biirebitzeli Fröid mit unserem Wurfmaterial zu de Mensche hän bringe könne.
