Zum Hauptinhalt springen

D Gschicht / Griendig

Vor 30 Joon hän d Zoggelischletzer uf em Gortesch in Basel iir Debü gha, doch d Entstehig und iiri Geschicht het scho 1983 angfange:
Es isch emol e Gruppe vo Buursche (Ländler u Städter) gsi, wo immer mänggi Freud a dr Fasnacht gha hän. Äines Daags hän sie sich troffe und beschlosse, sälber als Waagengligge aggtiv a dr Fasnacht mitzmache.

Doch ääs isch nid so äifach und schnäll gmacht gsi, wie mänggi sichs villich dänggt hän.
Zersch het sich en Namen miesse finde --> Hmmhh… ääs sin „di Zämmegwürflete“ druus entstande

Nääbe eme Traktor mit Schofföör und äme Waage als Unterbau, wo vom Buur het miesse gmieted wärde, koschted e Fasnacht sehr viil Gäld (fier Baumaterial, Goschtüm, Larve, Wurfmaterial, etc……..). Drum het d Gruppe ersch mol beschlosse, sich fier d Fasnacht in Allschwil anzmälde, will me döört (anders als in Basel) Unterstietzig in Form vo Baumaterial bechunnt.

Noo 2 Joor aggtivem Triibe in Allschwil sin sie zem Schluss gho, dass dr riesig Uufwand, wo me fier dr Bau vom Waage jedes Joor betriibe duet, äifach viil z rassig verbii isch. Also hän sie sich voorgno, s nöggscht Joor uuf Basel z goo, so dass me siim Hobby zmindescht volli 3 Dääg cha nochegoo.

Do isch aber scho s nöggschte Problem zem Vorschiin cho: Dr Name „di zämmegwürflete“ hets scho als Gligge in Basel exischtiert und so het me sich en neye Name iinfalle lo miesse ⇒das isch d Geburtsstund vo de Zoggelischletzer gsi!

Dr Name isch entstande, wiil d Waaggis in Allschwil immer so jääs umme gstämplet sin, eso dass ständig be iirgendäim dr Zoggeli kaputtig gange sich.